16 Aprel 2021 12:29
976
12 Punto 14 Punto 16 Punto 18 Punto

Rusiyanın “MiQ-31” qırıcısı Kamçatka yaxınlığında ölkə sərhədinə yaxınlaşan ABŞ-ın kəşfiyyat təyyarəsininin qarşısını alıb.

Teleqraf.com xəbər verir ki, bu barədə Rusiya Müdafiə Nazirliyi məlumat yayıb.

Nazirlik radarların Sakit Okean üzərində bir hava hədəfini aşkarladığını bildirib: “MİQ-31” qırıcısı onu müəyyənləşdirmək və müşayiət etmək üçün Kamçatkadakı aerodromdan havaya qalxıb. Qırıcı qrupu hava hədəfinin ABŞ Hava Qüvvələrinin “RC-135” strateji kəşfiyyat təyyarəsi olduğunu müəyyən edib”.

Xarici təyyarənin Rusiya sərhədindən geri döndərməsindən sonra “MİQ-31” hava limanına qayıdıb.

Rusiya Müdafiə Nazirliyi aprelin əvvəllində də ABŞ-ın “RC-135” kəşfiyyat təyyarəsinin Sakit okean üzərində qarşısının alınması və müşayiət edilməsi ilə bağlı video yayımlamışdı.


Müəllif: Mənsur Rəğbətoğlu