19 Aprel 09:09

Myanma hüquq-mühafizə orqanları etiraz aksiyalarını işıqlandıran yapon jurnalist Yuki Kitazumini saxlayıb.

Teleqraf.com xəbər verir ki, 45 yaşlı jurnalist Yanqondakı evinin yaxınlığında saxlanılıb.

Bildirilib ki, Yaponiya diplomatlar hələ də jurnalistin yerini tapa bilməyiblər. Onun mobil Cib telefonuna zəng çatmır.

O, bu ilin fevralında da Myanmada saxlanılmışdı, lakin dərhal sərbəst buraxılmışdı.

Qeyd edək ki, hazırda müstəqil jurnalist kimi çalışan Kitazumi əvvəllər Yaponiyanın aparıcı qəzetlərindən olan “Nikkei”də işləyib.


Müəllif: Teleqraf.com