II Yelizaveta tatar qızcığaza məktub yolladı

Nijnekamskdan (Tatarıstan Respublikası) olan məktəbli qız Böyük Britaniya kraliçası II Yelizavetadan cavab məktubu alıb.

Teleqraf.com xəbər verir ki, bu barədə yerli “NTR-24” nəşri məlumat yayıb.

36 saylı məktəbin 13 yaşlı şagirdi Emira Mübarəkova Britaniya kraliçasına hələ 2020-ci ildə məktub yazıb. O, məktubda özündən, hobbilərindən bəhs edib və II Yelizavetaya bu qədər dolğun və doyurucu bir həyat sürməyin, sıxılmış, sürətlə keçən vaxtımızda hər şeyi necə etməyin mümkün olduğu barədə sual verib.

Qız məktubu göndərdikdən sonra bunu unudub və yalnız dörd ay sonra kraliçadan cavab məktubu alanda xatırlayıb.

II Yelizaveta məktəbli qıza göstərdiyi diqqətə görə təşəkkür edib və ona başladığı bütün işlərində uğurlar arzulayıb. Məktubda monarxın şəxsi imzası var. Emira məktubu xatirə olaraq bir çərçivəyə qoyub.