ABŞ-ın ən varlı adamlarından biri vəfat etdi – 87 yaşında

ABŞ-ın ən varlı adamlarından biri olan İlay Broud vəfat edib.

Teleqraf.com xəbər verir ki, bu barədə “Röyter” məlumat yayıb.

Milyarderdin 87 yaşında öldüyü bildirilib. O, uzun sürən xəstəlikdən sonra Los-Ancelesdəki bir tibb mərkəzində vəfat edib.

“Forbes” jurnalı Broudun gəlirini 6.9 milyard dollar olaraq qiymətləndirib. Ən varlı amerikalıların sıralamasında 85-ci sırada yer alırdı.

Broud sərvətini əmlak və sığorta sahələrində qazanıb, baxmayaraq ki, peşəsi mühasib idi.

“Röyter” qeyd edib ki, milyarder “The Broad” adlı pulsuz girişi olan muzey quraraq və “Walt Disney”in konsert salonunun inşasına kömək edərək, Los-Ancelesdə sənətin inkişafına öz töhfələrini verib.

İş adamı, eyni zamanda, Biznes Universitetini qurub. Bundan əlavə, Genomik Tibbi Tədqiqatlar Mərkəzinin yaradılmasına bir milyard dollardan çox sərmayə qoyub.