Dünyada 808 mindən çox insanda təhlükəli virus aşkarlandı

Dünyada koronavirusa yoluxma ilə bağlı təsdiq edilmiş halların sayı 151,8 milyonu ötüb.

Teleqraf.com xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.

ÜST-ün məlumatına görə, mayın 2-də dünyada daha 808 563 insanda COVID-19 aşkarlanıb, virusa yoluxmuş 12 870 nəfər ölüb.

Ötən gün ərzində yoluxma hallarının yarıdan çoxu cənub-şərqi Asiyanın regionunun payına düşür.

Eyni zamanda ABŞ-da növbəti dəfə gün ərzində ən çox yoluxma halı qeydə alınıb. Bu ölkədə daha 32 002 328 nəfərdə COVID-19 aşkarlanıb. Siyahıda sonrakı yerdə Hindistan (19 557 457), Braziliya (14 659 011), Fransa (5 553 806), Türkiyə (4 849 408), Rusiya (4 823 255), Böyük Britaniya (4 418 534), İtaliya (4 035 617), İspaniya (3 514 942), Almaniya (3 416 822), Argentina (2 977 363) və Kolumbiya (2 859 724) qərarlaşıb.

Koronavirus infeksiyası 2019-cu ilin dekabrında Çinin Uhan şəhərində yayılmağa başlayıb. Çin həmin ilin sonunda Ümumdünya Səhiyyə Təşkilatını ölkədə naməlum virusun yayılması barədə məlumatlandırıb. ÜST ötən il fevralın 11-də infeksiyanın adını COVID-19 qoyub, 1 ay sonra - martın 11-də isə koronavirusu pandemiya elan edib.