Baydenin Zelenskiyə verdiyi şok təklif – Ağ Evdən təcili açıqlama

“Kiyev ABŞ Prezidenti Co Baydenin Ukraynanın NATO-ya qoşulma fikri barədə dediyi sözləri səhv şərh edib”.

Teleqraf.com-un xəbərinə görə, bu barədə Ağ Evin Milli Təhlükəsizlik Şurası məlumat verib.

Qəzet qeyd edib ki, Baydenin ukraynalı həmkarı Vladimir Zelenski ilə telefon danışığından sonra Ukrayna hökuməti ziddiyyətli açıqlama verib:

“Kiyevin açıqlamasında bildirilib ki, Bayden Ukraynaya NATO üzvlüyü üçün fəaliyyət planın təqdim edilməsinin vacibliyini vurğulayıb. Ağ Ev ABŞ prezidentin adından nümayiş etdirilən bu mövqeni təkzib edir. Ukrayna bu ifadəni səhv xarakterizə edib”.

Bundan əvvəl Ukrayna Prezident Aparatı rəhbərinin müşaviri Mixail Podolyak prezidentlərin Ukraynanın alyansa mümkün üzvlüyünü təhlükəsizlik imkanlarını gücləndirmək üçün əsas vasitə olaraq müzakirə etdiklərini söyləyib. Ukrayna prezidentinin aparat rəhbəri Andrey Yermak da Baydenin ölkənin Avroatlantik inteqrasiyasını dəstəklədiyini deyib.