Moskvada koronavirusun aqressiv növü yayıldı

“Moskvada koronavirusun daha aqressiv növü meydana gəlib”.

Teleqraf.com xəbər verir ki, bunu Moskva meri Sergey Sobyanin iaşə sektorunda çalışan sahibkarlarla görüşündə deyib.

Merin sözlərinə görə, yeni dəyişiklik epidemiya vəziyyətini çətinləşdirir, xəstəxanaya yerləşdirilənlərin sayı artır və daha çox çarpayı tələb olunur: “Təəssüf ki, keçən il mübarizə apardığımız Uhanda yayılan virus bu gün Moskvada praktik olaraq yoxdur: yeni bir mutasiya yayılıb, yeni bir gərginlik mövcuddur. Daha aqressivdir, dözmək daha çətindir, daha sürətli yayılır”.