Kim Çen In əmr verdi: “ABŞ-la qarşıdurmaya hazır olun”

Şimali Koreya lideri Kim Çen In ABŞ-ın Co Bayden administrasiyası ilə həm dialoqa, həm də qarşıdurmaya hazır olmağı əmr edib.

Teleqraf.com xəbər verir ki, Kim Çen In hakim partiyanın iclasında Co Baydenin dövründə ABŞ-ın siyasi meyllərini ətraflı təhlil edib və Vaşinqtonla münasibətlərdə atılacaq addımlar barədə məlumat verib.

O, dövlətin müstəqil inkişafı naminə maraqlarını qorumaq, eyni zamanda dinc mühit və təhlükəsizliyə zəmanət vermək üçün həm dialoqa, həm də qarşıdurmaya hazırlaşmağın, xüsusilə qarşıdurmaya hazır olmağın vacibliyini vurğulayıb.