"Kreml görür ki, Ermənistandakı seçkilərdə..." - Peskovdan müəmma

Kreml Ermənistandakı seçkilərdə Paşinyanın partiyasının inamlı qələbəsini görür.

Teleqraf.com xəbər verir ki, bunu Rusiya Prezidentinin mətbuat katibi Dmitri Peskov bildirib.

“Biz seçimi münasibətilə erməni xalqını təbrik edirik... Əlbəttə, biz erməni xalqının bu seçiminin ölkənin hazırda yaşadığı çətinliklərin öhdəsindən gəlməsinə və davamlı inkişaf trayektoriyasına, o cümlədən Rusiya Prezidentinin bilavasitə iştirakı ilə əldə olunmuş və imzalanmış üçtərəfli razılaşmaların reallaşdırılmasına gətirib çıxarmasını arzulayırıq”, - deyə D.Peskov qeyd edib.