Rus ordusunun şübhəli fəallığı: Yeni bazalar qurulur, uçuşlar həyata keçirilir

Rusiya yeni növ silahları modernləşdirir və inkişaf etdirir, eyni zamanda yeni bölgələrdə hərbi fəaliyyətini artırır.

Teleqraf.com xəbər verir ki, bu barədə Yaponiya Müdafiə Nazirliyinin yaydığı hesabatda bildirilib.

“Rusiya nüvə də daxil olmaqla silahların modernləşdirilməsini inkişaf etdirir və ucqar bölgələrdə, o cümlədən Rusiya xaricində silahlı qüvvələrini yeni hərbi bazalarda yerləşdirir”, - sənəddə qeyd olunub.

Yaponiya Müdafiə Nazirliyi hipersəsli və digər müasir silah növlərinin yaradılmasını təşviq etməklə yanaşı, Rusiyanın kosmik və elektron müharibə kimi yeni sahələrdə fəaliyyətinin artmasına da diqqət çəkib.

Sənəddə Rusiya silahlı qüvvələrinin Uzaq Şərqdə gücləndirilməsinə, fəaliyyətinin intensivləşdirilməsinə və bölgənin müasir silahlarla təchiz olunmasına da toxunulub. Bundan əlavə, hesabatda Rusiya və Çin arasında hərbi sahədə hərbi əməkdaşlıq olduğu qeyd edilib. Sənəddə Rusiya və Çin təyyarələrinin Yapon dənizindən Şərqi Çin dənizi və Sakit okeanadək böyük bir bölgədə birgə uzun uçuşundan bəhs olunur.