İngilis ordusu hərəkətə keçdi: Rusiyanın hava sistemləri hədəfdədir

İngiltərə Silahlı Qüvvələri Rusiyanın Kalininqrad bölgəsində qanadlı raketlərin yerləşdirilməsi ehtimalı ilə əlaqədar təlimlər keçirəcək.

Teleqraf.com xəbər verir ki, bunu “The Daily Telegraph”a verdiyi müsahibədə Birləşmiş Krallıq Hərbi Hava Qüvvələrinin baş qərargah rəisi Maykl Uiqston deyib.

O, Rusiyanın sözügedən bölgədəki hərbi obyektləri və bazalarının yerləşdirilməsini öyrənəcəklərini bildirib.

Baş verənlərin “soyuq müharibə”ni xatırlatdığını söyləyən Uiqston qeyd edib ki, Rusiya tərəfindən Kalininqrad bölgəsinə yerləşdirilən qanadlı raketlər Böyük Britaniya ordusunun məhvetmə radiusu daxilində olacaq.

Onun sözlərinə görə, Britaniya məhz bununla əlaqədar olaraq təlimlər keçirmək niyyətindədir, bunun çərçivəsində təyyarələrin mülki aerodromlara və magistral yolların hissələrinə endirmək planlaşdırılır.