Müdafiə naziri anons verdi: “Əfqanıstana yenidən qayıda bilərik”

Əfqanıstanın Loqar əyalətinin inzibati mərkəzi olan Puli-Aləm şəhəri Taliban silahlıları tərəfindən ələ keçirilib.

Teleqraf.com xəbər verir ki, bu barədə “Frans Press” agentliyi məlumat yayıb.

Məlumatda qeyd edilib ki, Taliban indi Puli-Aləmdəki bütün hökumət müəssisələrinə 100 faizlik nəzarət edir.
Hazırda sözügedən şəhərdə döyüşlərin getmədiyi bildirilib.

İngiltərə müdafiə naziri Ben Uolles Talibanın atdığı addımlara kəskin reaksiya verib.

Nazir bildirib ki, “Əl-Qaidə” yenidən Əfqanıstanda “dirilsə”, beynəlxalq qüvvələr təkrar bu ölkəyə qayıdacaq.