Taliblər söz verdi - "Diplomatlara dəyməyəcəyik"

Əfqanıstanlı taliblər diplomatik obyektlərə hücum etməyəcəklərinə söz veriblər.

Teleqraf.com xəbər verir ki, bunu ABŞ Dövlət departamentinin nümayəndəsi Ned Prays bildirib.

"Taliban özü diplomatik missiyalara hücum etmək niyyətində olmadığını bildirib", - nümayəndə deyib.

Bununla birgə, N.Prays əlavə edib: "Taliban hərəkatının dediklərinin hamısına inanmayacağıq. Nə edəcəyinə baxacağıq. Bu səbəbdən indi bizim mülki personalımızın köçürülməsi üzrə tədbirlər görürük ki, onları hər hansı mümkün təhlükədən qoruyaq".