Merkel yolun sonuna çatdı - Bu məbləğdə pensiya alacaq

Almaniya Kansleri Angela Merkelin vəzifədən gedəndən sonra ayda 15 min avro təqaüd alacaq.

Teleqraf.com xəbər verir ki, bu barədə Almaniyanın “Fokus” nəşri məlumat yayıb.

Təqaüdün həcmi Merkelin 2005-ci ildən bəri Bundestaq üzvü və federal kansler də daxil olmaqla, yüksək hökumət vəzifələrində işləməsi ilə əlaqədardır. Hazırda onun maaşı 35 min avrodur.

Merkelə öz ofisini saxlamaq üçün də pul ayrılacaq.

7 il vəzifədə olan keçmiş Almaniya kansleri Gerhard Şrederə ayda 6.5 ​​min avro pensiya və hər il ofisinin saxlanılması üçün yarım milyon avro ödənilir.

Sentyabrın 25-də Almaniyada Bundestaq seçkiləri keçiriləcək. 67 yaşlı Angela Merkel bundan əvvəl siyasətdən getmək istədiyini açıqlayıb.