Qatı vaksin əleyhdarı: “Kaş ki, peyvənd olunaydım” – Şok etiraf

Məşhur amerikalı televiziya və radio aparıcısı, qatı vaksin əleyhdarı Dik Farrel yeni növ koronavirus infeksiyası – COVID-19 nəticəsində vəfat edib.

Teleqraf.com xəbər verir ki, o, əvvəllər çəkinmədən pandemiyanı saxtakarlıq, peyvəndləri isə saxta adlandırırdı.

“Niyə maskalar, virusun mənşəyi və ölüm nisbəti haqqında yalan danışan insanların təklifi ilə peyvənd olunursunuz?” – D.Farrel bu postu 3 iyul 2021-ci il tarixində sosial şəbəkə hesabında yerləşdirib.

Məşhur radio və televiziya tok-şousunun aparıcısı Dik (tam adı Riçard) Farrel əsasən qatı mühafizəkar fikirləri və çox sərt ifadələri ilə tanınırdı.

O, 2016-cı ildə federal “Newsmax” TV xəbər kanalının televiziya aparıcısı, siyasi orientasiya baxımından respublikaçı Donald Trampın qızğın tərəfdarı idi.

Hər şey sürətlə baş verir. Təfərrüat barədə ayrıca məlumat yoxdur, yalnız jurnalistin üç həftə xəstəxanada yatdığı və avqustun 4-də koronavirus ağırlaşmalarından öldüyünü yazırlar. Avqustun 1-də onun 65 yaşı tamam olmuşdu.

Təəccüblü daha bir detal var: xəstəxana yatağında peyvəndləmənin qəti əleyhdarı peyvəndləmə və ümumiyyətlə pandemiya ilə bağlı fikirlərini kökündən dəyişmiş kimi görünür.

Rəfiqəsi Emi Li Xeyr onun ölümündən sonra bildirib: “O mənə yazdı və dedi: “Peyvənd olun”. Bu virusun zarafat olmadığını söylədi və əlavə etdi: “Peyvənd olunmadığım üçün çox təəssüf edirəm”.