Donbasda son durum: Atəşkəs pozuldu, bir əsgər həlak oldu

Ukraynanın işğal edilmiş Donbas bölgəsindəki rusiyapərəst separatçıların açdığı atəş nəticəsində bir ukraynalı hərbçi həlak olub.

Teleqraf.com xəbər verir ki, bu barədə Ukrayna Silahlı Qüvvələri məlumat yayıb.

Açıqlamada separatçıların gün ərzində atəşkəsi üç dəfə pozduqları bildirilib.

Atəşkəsin pozulması nəticəsində Ukrayna ordusunun bir hərbçisinin həlak olduğu, bu barədə ATƏT-in məlumatlandırıldığı vurğulanıb.

Qeyd edək ki, separatçıların iki gün əvvəl də atəşkəsi pozması nəticəsində Ukrayna ordusunun bir əsgəri həlak olmuşdu.