Zelenski Kaliforniyaya getdi

Ukrayna lideri Vladimir Zelenski ABŞ-a səfəri çərçivəsində Kaliforniyaya gəlib.

Teleqraf.com xəbər verir ki, bu barədə onun ofisi məlumat yayıb.

“Ukrayna dövlət başçısının gəlişi şərəfinə San-Fransisko şəhər meriyasının binası ştat rəhbərliyinin təşəbbüsü ilə Ukrayna bayrağının rəngləri ilə işıqlandırılıb”, - deyə mətbuat xidməti “Telegram”da qeyd edib.

Bildirilir ki, bu, Ukrayna prezidentinin bütün müstəqillik tarixi ərzində Kaliforniyaya ilk səfəridir.

O, Kaliforniyada amerikalı biznesmenlərlə görüşməyi planlaşdırır.

V.Zelenski ABŞ-da işgüzar səfərdədir. Sentyabrın 1-də onun Ağ Evin rəhbəri Co Baydenlə görüşü olub.