"Putinə əsl müharibə lazımdır"

"Vladimir Putin Ukraynada sülhməramlı qismində öz qoşunlarını qanuniləşdirmək istəmir, çünki ona əsl müharibə lazımdır".

Axar.az xəbər verir ki, bu barədə Müdafiə İslahatları Mərkəzinin rəbəri Aleksandr Danilyuk Feysbuk hesabında yazıb.

Danilyuk Putinin sülhməramlılardan istifadə edərək münaqişəni dondurmaq istədiyini bildirib:

"Rusiya Donbas ərazisində deyil, ancaq öz ərazisində genişmiqyaslı hücumlara bəraət qazandırmaq üçün açıq müharibə elan edəcək. Kreml Ukraynada terror aktları törədəcək. Nəticədə Putinin əlinə imkan düşəcək ki, Ukraynanın öz ərazisini müdafiə etmədiyini, əksinə hərbi təcavüzə yol verdiyini qeyd etsin".