Bu ölkədə dörd aylıq körpə koronadan öldü

Sakit Okeanın cənubunda yerləşən Ficidə COVID-19-a yoluxan 4 aylıq körpə ölüb.

Teleqraf.com xəbər verir ki, bu məlumatı Fici Səhiyyə naziri Ceyms Fonq açıqlanyıb.

Körpə sentyabrın 1-də yüngül tənəffüs çatışmazlığı diaqonuzu ilə paytaxt Suvadakı sağlamlıq mərkəzinə gətirilib. Anası körpənin xəstəxanaya gətirilməzdən iki gün əvvəl öskürdüyünü və əsəbi olduğunu deyib.

Xəstəxanaya yerləşdirildikdən 5 gün sonra körpə vəfat edib.

Nazirliyin yaydığı məlumata görə, ölkədə son 24 saatda 240 nəfər koronavirusa yoluxub. Son sutka ərzində 3 xəstə dünyasını dəyişib. Onlardan biri 66, digəri 76 yaşında dünyasını dəyişib.

Ölkədə bu günədək 48 393 nəfər virusa yoluxub, 528-i dünyasını dəyişib.