18 Sentyabr 18:40
762

Əlcəzairin keçmiş prezidenti Əbdüləziz Buteflika 84 yaşında vəfat edib.

Teleqraf.com xəbər verir ki, Əlcəzair prezident administrasiyası Buteflikanın ölümünü yazılı bəyanatla təsdiqləsə də, səbəbi barədə təfərrüat açıqlamayıb.

Qeyd edək ki, 1999-2019-cu illərdə vəzifədə olan Buteflika 2015 -ci ildə qismən insult keçirib.

Səhhəti gündən-günə pisləşən Buteflika buna baxmayaraq vəzifəsində qaldı. 2019-cu ildə yenidən namizəd olan Buteflika xalqı ayağa qaldırdı. Bütün ölkədə nümayişlər başlayanda ordu üzvləri də etirazçılara dəstək bəyanatı verdi. Qarşıdurmadan sonra Buteflika 2019 -cu ilin aprelində vəzifəsini tərk etmək məcburiyyətində qaldı.


Müəllif: Yeganə Oqtayqızı