Rus kəşfiyyatının vertolyotu yoxa çıxdı – İçində üç nəfər var

Ən azı 3 nəfərin olduğu Rusiya Federal Təhlükəsizlik Xidmətinə (FSB) məxsus “Ka-27” tipli vertolyotun Kamçatka yarımadasında təlim uçuşu zamanı qəzaya uğradığı bildirilib.

Teleqraf.com xəbər verir ki, Ostraya dağı üzərində uçan vertolyotla əlaqənin kəsildiyi bildirilib.

Vertolyotda ən az 3 nəfər olub, FSB mənbələri isə helikopterin qəzaya uğradığını açıqlayıb.

Rusiya Fövqəladə Hallar Nazirliyinə məxsus qüvvələr helikopteri tapmaq üçün əraziyə göndərilib.

1970-ci illərdə Sovet İttifaqı tərəfindən hazırlanmış “Ka-27” tipli vertolyotlar dəniz hədəflərinin aşkarlanması üçün istifadə edilir.