"İtirdiyimiz hər şeyi nəinki kompensasiya etdik, həm də..." - Putin

Rusiya Prezidenti Vladimir Putin türkiyəli həmkarı Tayyib Ərdoğanla görüşündə bu il Türkiyəni Rusiyadan 2,5 milyon turistin ziyarət etdiyini söyləyib.

Teleqraf.com xəbər verir ki, V.Putin deyib:

“2019-cu ildə Türkiyəni 6,8 milyon rusiyalı turist ziyarət edib. 2020-ci ildə isə cəmi 1,5 milyon. İndi vəziyyət tədricən yaxşılaşır, bu ilin 9 ayı ərzində 2,5 milyon rus turist gedib”.

V.Putin pandemiyanın dünyada turizm sektoruna çox böyük ziyan vurduğunu qeyd edib.

V.Putin Rusiya ilə Türkiyə arasında əlaqələrin müsbət inkişaf etdiyini, ölkələr arasında ticarətin 9 aydan az bir müddətdə keçən ilə nisbətən 50%-dən çox artdığını söyləyib.

“Keçən il ticarət dövriyyəmizdə 20 faizdən çox geriləmə var idi. Bu ilin 9 ayında isə 55 faizdən çox artım var. Yəni, biz pandemiya zamanı itirdiyimiz hər şeyi nəinki kompensasiya etdik, həm də onu 30 faizdən çox artırdıq”, - deyə Putin bildirib.