Tiflisə gələn ABŞ müdafiə nazirindən kritik açıqlama: “Buna hazırıq”

“ABŞ Gürcüstanın müdafiəsini gücləndirməyə kömək etməyə hazırdır”.

Teleqraf.com xəbər verir ki, bunu Gürcüstana səfərə gələn ABŞ müdafiə naziri Lloyd Ostin deyib.

“Amerika Birləşmiş Ştatları Gürcüstanın müdafiəsini gücləndirməsinə və Avro-Atlantik inteqrasiyasını inkişaf etdirməsinə kömək etməkdə qərarlıdır. Görüşləri səbirsizliklə gözləyirəm”, - Ostin bildirib.

Pentaqon rəhbəri səfər çərçivəsində Gürcüstan Baş naziri İrakli Qaribaşvili və müdafiə naziri Cuanşer Burçuladze ilə danışıqlar aparacaq. Görüşlər zamanı ikitərəfli əməkdaşlıq məsələləri ilə yanaşı, regional problemlərin müzakirəsi planlaşdırılır.

Bundan əvvəl Pentaqon rəhbərinin Qara dənizin təhlükəsizlik məsələlərini nəzərdən keçirmək üçün Ukrayna, Gürcüstan və Rumıniyaya səfər edəcəyi bildirilmişdi.