19 Oktyabr 2021 08:05
491
12 Punto 14 Punto 16 Punto 18 Punto

ABŞ Koreya yarımadasının tam nüvəsizləşdirilməsinə nail olmaq üçün Koreya Xalq Demokratik Respublikası (KXDR) ilə qarşılıqlı diplomatik fəaliyyətə hazırdır.

Teleqraf.com xəbər verir ki, bu barədə ABŞ prezidentinin nüvə silahının yayılmaması üzrə xüsusi nümayəndəsi Cefri Eberhardt bildirib.

"ABŞ əvvəlki kimi hədəfimizin nailiyyəti - Koreya yarımadasının tam nüvəsizləşdirilməsi üçün Koreya Xalq Demokratik Respublikası ilə qarşılıqlı diplomatik fəaliyyətə hazırdır", - BMT Baş Assambleyasının Birinci komitəsinin iclasında çıxış edən Eberhardt deyib.

Onun sözlərinə görə, ABŞ-ın təklifi heç bir şərt olmadan əvvəlki masadadır.

"Bizim siyasətimiz ABŞ-ın, müttəfiqlərimizin və qoşunlarımızın təhlükəsizliyini gücləndirəcək ciddi irəliləyişə nail olmaq üçün KXDR ilə diplomatik səylərə açıq olan, ölçülü və praktiki bir yanaşmanı təqdim edir", - Eberhardt deyib.

O, qeyd edib ki, ABŞ-ın Yaponiyanın və Cənubi Koreyanın müdafiəsi üzrə öhdəlikləri sarsılmaz olaraq qalır.


Müəllif: Teleqraf.com