25 Oktyabr 10:52
521

Yəməndə hökumət, koalisiya qüvvələrinin İran tərəfindən dəstəklənən Husi milisləri ilə atışma və hava hücumları nəticəsində 814 nəfər ölüb.

Teleqraf.com xəbər verir ki, koalisiya qüvvələri Yəmənin qərbindəki el-Kesara və el-Cevbe bölgələrinə son 72 saatda 88 əməliyyat keçirib.

Əməliyyatda 36 hərbi avtomobil məhv edilib, 264-dən çox Husi milisi zərərsizləşdirilib.

Husilərin hərbi sözçüsü Yəhya es-Seri bildirib ki, Husi milisləri 550 nəfəri öldürüb, 1200 nəfəri yaralayıb və 90 nəfəri əsir tutub.

“Çevbe və Marib vilayətlərində zəfər “Zəfər Baharı” əməliyyatı zamanı 3 min 200 kilometrlik ərazi azad edilib”,- sözçü bildirib.

Qeyd edəjk ki, İran tərəfindən dəstəklənən Husilər 2014-cü ilin sentyabrından paytaxt Səna və bölgələrə nəzarət edir.

Səudiyyə Ərəbistanı liderliyində koalisiya 2015-ci ilin martından başlayaraq Husilərə qarş Yəmən hökumətini müdafiə edir.

Ümumilikdə Yəməndə 7 ildir davam edən vətəndaş müharibəsi və xarici müdaxilə səbəbindən 233 min insan ölüb.


Müəllif: Nemət