Bu ölkədə 5 yaşdan kiçik uşaqlara da vaksin vurulacaq

İtaliyada 2022-ci ilin birinci yarısında 5 yaşdan kiçik uşaqların koronavirusa qarşı peyvənd olunmasına başlanıla bilər.

Teleqraf.com-un məlumatına görə, bunu "Sky tg24" telakanalının efirində İtaliyanın Dərman Agentliyinin (Aifa) prezidenti Corco Palu deyib.

O, jurnalistlərin 5 yaşdan kiçik uşaqlara vaksin vurulub-vurulmayacağına dair sualı belə cavablandırıb: "Bu, təbii ki, mümkündür".

Qeyd edək ki, dekabrın 16-dan İtaliyada 5-11 yaşlı uşaqların koronavirusa qarşı peyvənd olunmasına başlanılır.