“30 milyon insan Baydenə qarşı silahlanmağa hazırdır” - Şok iddia

Amerikalı analitik Con Heyleman 20-30 milyon ABŞ vətəndaşının Prezident Co Baydeni devirmək üçün silahlanmağa hazır olduğunu iddia edib.

Teleqraf.com xəbər verir ki, Con Heyleman MSNBC-nin suallarını cavablandırıb.

Ekspert ABŞ-ın keçmiş prezidenti Donald Trampla bağlı epizodda bunu deyib:

“Co Baydenin legitim olmadığını və onu zorakılıqla hakimiyyətdən uzaqlaşdırmağın və Donald Trampın qayıdışını bərpa etməyin mümkün olduğunu göstərən 8, bəlkə də 12 faiz kimi yüksək göstəricilərin yer aldığı araşdırmalar var. Bu, 20-30 milyon insanın silaha sarılmağa hazır olduğunu göstərir”.

Con Heyleman həmçinin bildirib ki, Tramp tərəfdarları siyasi zorakılığı təşviq edən kütləvi hərəkatı təmsil edirlər.

Ekspert ABŞ prezidentinin ölkə daxilindəki reytinqinin sürətlə düşdüyünü söyləyib.