Londonda bomba həyəcanı

Londonun mərkəzində Vestminster sarayında yerləşən Britaniya parlamentinin bir hissəsi bomba partlayışı təhlükəsinə görə təxliyyə edilib.

Publika.az xəbər verir ki, bu barədə “Röyters” xəbər agentliyinə yerli polisdən bildirilib.

Agentliyin məlumatına görə, şübhəli paket tapılıb. Onun tapıldığı konkret yer açıqlanmayıb. Binanın ətrafındakı küçələrdə hərəkət məhdudlaşdırılıb.

Britaniya parlamenti 19 iyunda da binanın əməkdaşları tərəfindən şübhəli paketin aşkarlanmasından sonra təxliyyə edilmişdi.