İranın nüvə proqramı üzrə danışıqlar davam etdiriləcək - XİN

İranın nüvə proqramı üzrə Vyanada keçirilən danışıqlar bir neçə gündən sonra davam etdiriləcək.

Teleqraf.com xəbər verir ki, bu barədə özünün "Twitter" səhifəsində İranın XİN rəhbərinin müavini, danışıqlarda iştirak edən Ali Baqeri yazıb.

"Digər nümayəndə heyətləri ilə məsləhətləşmələrdən sonra vəziyyəti qiymətləndirmək və növbəti addımları müzakirə etmək üçün dünən günortadan sonra Enrike Mora ilə görüşdüm.

Bu həftə yaxşı irəliləyişə nail olduq. Bu gün bizim birgə komissiyamız olacaq və bir neçə günlük fasilədən sonra danışıqları davam etdirəcəyik", - deyə XİN rəhbərinin müavini bildirib.