Dəfn mərasiminə silahlı hücum: Ölən və yarananlar var

Dəfn mərasiminə edilən silahlı hücum zamanı 2 nəfər öldürülüb, 3 nəfər yaralanıb.

Teleqraf.com xəbər verir ki, hadisə Meksikanın Guanajuato əyalətinin San Fransisko del Rinko şəhərində baş verib.

Hücum ölü dəfn edilərkən olub. Dəfn mərasiminə qatılan insanlar dua edərkən atəş səsləri böyük çaxnaşma yaradıb. Hücumda 2 nəfər həyatını itirib, 3 nəfər isə yaralanıb. Hücumda həyatını itirən 21 yaşlı Fransiskonun bir neçə gün əvvəl baş verən hücumda həyatını itirən şəxsin qardaşı olduğu müəyyən edilib.

Hadisə şahidləri hücumun qəbiristanlığa motosikletlə gələn 2 nəfər tərəfindən törədildiyini söyləsə də, səlahiyyətlilər hadisə ilə bağlı araşdırma başlandığını, lakin həbs olunanların olmadığını açıqlayıb.

Hücumun San Fransisko del Rinkon şəhərində yerləşən “Jaliksko Yeni Nəsil Mafiya” ilə cinayətkar qruplar arasında münaqişə nəticəsində baş verdiyi iddia edilir.