Rus qırıcısı havaya qaldırıldı - Çeçen döyüşçülərin lideri öldürüldü

Suriyada Rusiyanın döyüş təyyarələri çeçen döyüşçülərin komandiri Müslüm əbu Vəlid əl-Şişani kimi tanınan Murad Marqoşvilini zərərsizləşdirib.

Teleqraf.com xəbər verir ki, bu barədə Rusiya prezidentin Suriya üzrə xüsusi nümayəndəsi Aleksandr Lavrentyev açıqlama verib.

“Bu yaxınlarda Rusiya Aerokosmik Qüvvələri “Cunud əş-Şam” qruplaşmasının liderlərindən biri Əş-Şişani Marqoşvilini məhv etməyə müvəffəq olub”, - diplomat bildirib.

Məlumata görə, Rusiya Aerokosmik Qüvvələri dekabrın 11-də əl-Şişaninin Cisr əş-Şuğur yaxınlığındakı evinə hava zərbəsi endirib.

Oktyabr ayında Marqoşvili ilə “Heyət Təhrir Əş-Şam” qruplaşmasının yaraqlıları arasındakı qarşıdurmanın kəskin fazaya keçdiyi bildirilmişdi. Çeçen silahlı liderinin məğlub edildiyi iddia edilir.

Maqoşvili 1990-cı illərin sonunda Marqoşvili Çeçenistan və Dağıstanda Rusiya ordusuna qarşı döyüşən Xəttabın dəstəsinə qoşulub. Bəzi məlumatlara görə, o, İnquşların Qalaşki kəndi yaxınlığında gedən döyüşdə iştirak edib, nəticədə 12 rus zabiti və əsgərini öldürüb. 2008-ci ildən Suriyada müharibə başlayana qədər Dağıstanda olub. 2008-ci ilə qədər bir neçə il Gürcüstanda yaşayıb. Rusiyada iki illik həbsdən sonra ora getmişdi.