İspaniya parlamenti Fələstini tanımağa çağırdı

İspaniya parlamenti hökuməti Fələstini dövlət kimi tanımağa çağırıb.

Teleqraf.com-un “Röyters”ə istinadən verdiyi xəbərə görə, parlamentin müraciətində qeyd olunub ki, bu cür addımın atılması heç bir qanunverici fəsadları nəzərdə tutmur, sadəcə simvolik məna daşıyır.

Bundan əvvəl İspaniya parlamentinin gələn həftə Fələstin dövlətinin tanınması barədə qətnamə üzrə simvolik səsvermə keçirmək niyyətində olduğu bildirilmişdi.

Qeyd edək ki, ötən ay Böyük Britaniya, İrlandiya və İsveçdə analoji addımlar atılıb. Fransa parlamenti də gələn ay Fələstinin statusu ilə bağlı qərar vermək niyyətindədir.