18 Yanvar 09:49
1 607
12 Punto 14 Punto 16 Punto 18 Punto

Bir müddətdir xaricdə olan və “vətənə xəyanət” və “terrorçulara yardım” ittihamı ilə barəsində qiyabi həbs qərarı olan Ukraynanın keçmiş prezidenti Petro Poroşenko dünən Kiyevə qayıdıb.

Teleqraf.com xəbər verir ki, ölkəyə qayıtdıqdan sonra məhkəməyə çıxarılan Poroşenkodan prokurorluq 35 milyon dollar girov tələb edib.

Peçerska Məhkəməsi Poroşenkonun 35 milyon dollar girovla Kiyevi tərk etməməsi, pasportunu təhvil verməsi, elektron qandal taxması, ilk tələblə məhkəmə və istintaqa gəlməsi barədə qərar verib.

Poroşenko barəsində həbs-qətimkan tədbiri seçən və məhkəmə prosesini aparan Peçerska Məhkəməsi Poroşenkonun Donbas bölgəsindəki separatçılarla əlaqələrinin olduğunu və onlara maliyyə dəstəyi verdiyini iddia edib.

Ukrayna Dövlət İstintaq Xidməti isə bildirib ki, Poroşenko onun haqqında həbs qərarı hazırlandığını bildiyi üçün xaricə qaçıb.


Müəllif: Mənsur Rəğbətoğlu