18 Yanvar 17:35
6 357

Türkiyə Prezidenti Rəcəb Tayyib Ərdoğan “EastMed” layihəsinə (“Şərqi Aralıq dənizi boru kəməri”) alternativ olaraq bölgə ölkələri ilə yeni proyektin həyata keçirilə biləcəyi ehtimalından danışıb.

Teleqraf.com xəbər verir ki, Türkiyə lideri İsrail və digər region ölkələri ilə danışıqların davam etdiyini bildirib.

“Bərat bəy energetika və təbii sərvətlər naziri olanda da onun israilli həmkarı təkliflə gəlmişdi. İşlər də harasa yönəlmişdi. Bəlkə o zaman o işi İsraillə bağlaya bilərdik. Bəs indi onu bağlamaq ümidi yoxdurmu? Şərtlər müzakirə olunur. Çünki bu işdəki maraqlar çox vacibdir. Biz müəyyən nöqtəyə gəlmişik. İsrail Prezidenti Hersoqla görüşlərimiz olub. İsrail Baş naziri Bennett fərqli səviyyədə xəbərlər göndərir. Bildiyiniz kimi, mən bu yaxınlarda Prezident Sarayında İslam Ölkələrinin Ravvinlər Alyansının üzvlərini qəbul etdim. Əgər biz siyasətlə məşğul olacağıqsa, siyasəti dava-döyüşlə aparmaq olmaz. Siyasəti sülh xətti ilə aparmalıyıq”, - Ərdoğan qeyd edib.


Müəllif: Mənsur Rəğbətoğlu