Bəşər Əsəd Suriyadan qaçan hər kəsi bağışladı - Amnistiya

Suriya Prezidenti Bəşər Əsəd rejimi bütün fərarilər də daxil olmaqla, ölkəni tərk edənlər üçün ümumi amnistiya elan edib.

Teleqraf.com xəbər verir ki, bu barədə Suriya Prezident Aparatı məlumat yayıb.

Açıqlamada Prezident Əsədin bu ilin yanvarın 25-dək hərbi xidmətdən yayınaraq ölkə daxilində və xaricində gizlənənlərə tam amnistiya verilməsi ilə bağlı qərar verdiyi bildirilib.

Əsədin qərarına əsasən, amnistiya Suriyada olanlar üçün 3 ay, ölkə xaricində olanlar üçün isə 4 ay ərzində hərbi xidmətə könüllü gəlmək şərti ilə tətbiq olunacaq.