İŞİD Fransanı şoka saldı – VİDEO

Yaxın şərqdə terror həyata keçirməyə davam edən İraq Şam İslam Dövləti (İŞİD) terror təşkilatının internet üzərindən yayımladığı son video yazısı Fransada ciddi narahatlıq yaradıb.

Teleqraf.com euronews.com-a istinadən xəbər verir ki, təbliğat xarakterli videoda təşkilatın Fransa vətəndaşı olan üzvlərinin pasportlarını yandırdıqları görünür.

Görüntülərdə Fransada yaşayan müsəlmanların İraq və Suriyaya gələrək İŞİD-ə qatılmaları çağırışı edilir. Təşkilat adından danışdıqlarını qeyd edən eyni soyadlı Əbu Usame, Əbu Məryəm və Əbu Salman Əl-Faranci mesajlarını əllərində avtomat və bıçaqlarla fransızca verir.

Yeddi dəqiqə 10 saniyə davam edən görüntülərdə həmçinin çıxışların ingilis dilində alt yazısı ilə verilməsi diqqət çəkir.

Qeyd edək ki, ötən günlərdə Suriyada 18 nəfərin başını kəsərək öldürən İŞİD döyüşçülərindən ikisinin Fransa vətəndaşı olduğu ortaya çıxıb.

Samir