Husilər Abu-Dabiyə ballistik raket atdı

Yəməndəki husi qiyamçıları Birləşmiş Ərəb Əmirliklərinin (BƏƏ) paytaxtı Abu-Dabiyə ballistik raket atıb.

Teleqraf.com xəbər verir ki, bunu BƏƏ-nin Müdafiə Nazirliyi açıqlayıb.

Məlumata görə, BƏƏ silahlı qüvvələrinə məxsus hava hücumundan müdafiə sistemi raketi göydə zərərsizləşdirib. Onun qalıqları isə boş əraziyə düşüb.

Husilər isə BƏƏ-yə qarşı genişmiqyaslı hərbi əməliyyatın təfərrüatını açıqlayacağını bildiriblər.

Qeyd edək ki, hazırda İsrail Prezidenti İshak Hersoq BƏƏ-də rəsmi səfərdədir.