Kiyev nöqtəni qoydu – “Rusiyanın istədiyi olmayacaq”

“Donbasa xüsusi statusun verilməsinə nail olunmayacaq, indiki şəraitdə Kiyev güzəştə gedə bilməz”.

Teleqraf.com xəbər verir ki, bunu Ukrayna Xarici işlər naziri Dmitri Kuleba deyib.

Nazir Ukraynanın münaqişənin həllində diplomatik yola sadiqliyini qeyd edib, amma indiki çəraitdə Kiyevin heç bir güzəştə getmək niyyətində olmadığını vurğulayıb.

“Rusiyanın təsəvvür etdiyi kimi, xüsusi status olmayacaq”, - Kuleba bildirib.

Onun sözlərinə görə, rəsmi Kiyev Minsk razılaşmalarının həyata keçirilməsi üzərində işləməyə hazırdır:

“Amma Minsk razılaşmaları təhlükəsizlik məsələlərindən başlayır. Orada siyasi hissə yalnız ikinci yerdə qeyd olunub. Ona görə də hamı ilk növbədə təhlükəsizlik məsələlərinə diqqət yetirməlidir”.