Putin Ankaraya nə zaman gedir?

Rusiya Prezidenti Vladimir Putin fevralın ikinci yarısında Türkiyəyə səfər edə bilər.

Teleqraf.com bu barədə “A haber” telekanalına istinadla xəbər verir.

“Tarixi Pekin Olimpiadasından sonra səfər fevralın ikinci yarısında baş tutacaq”, - deyə telekanal bildirir.

Qeyd edək ki, Türkiyənin xarici işlər naziri Mövlud Çavuşoğlu Rusiya Prezidenti Vladimir Putinin Türkiyəyə səfərinin Pekin Olimpiadasının açılışından sonra mümkün olduğunu bildirmişdi.

Rusiya Federasiyası prezidentinin mətbuat katibi Dmitri Peskov bildirib ki, Putin epidemioloji vəziyyət və qrafiklər imkan verən kimi prezident Rəcəb Tayyib Ərdoğanın Türkiyəyə dəvətindən yararlanacaq.