“Zelenski bildirdi ki, zəng edin, hara desəniz...” - Ərdoğan

“Vladimir Putinlə görüşdən sonra vasitəçi rolu bizə həvalə edilsə, biz də üzərimizə düşəni etməyə çalışacağıq. Zelenski mənə bildirdi ki, zəng etdiyiniz an çıxıb gələrəm.

Teleqraf.com xəbər verir ki, bunu Türkiyə Prezident Rəcəb Tayyib Ərdoğan deyib.

O, Zelenski ilə görüşü ilə bağlı da danışıb:

“Səfərimiz münasibətilə biz bir daha Ukraynanın suverenliyinə, siyasi birliyinə və ərazi bütövlüyünə dəstəyimizi vurğuladıq. Təəssüf ki, Ukrayna ilə Rusiya arasında münasibətlərdə gərginlik artır. Biz xüsusi olaraq cənab Zelenskiyə bildirdik ki, təzyiqin aşağı salınması üçün lazımi töhfəni verməyə hazırıq. Cavab aldıq ki, belə bir addımdan məmnundurlar və Zelenski bildirdi ki, zəng edəndə ertəsi gün, iki gün sonra hara desən, ora gələrəm. Biz bu məsələ ilə bağlı rəhbərlik səviyyəsində sammitə və ya texniki səviyyədə danışıqlara ev sahibliyi etməyə hazır olduğumuzu bildirdik”.