Ukrayna Müdafiə Nazirliyinə və banklara kiber hücum oldu

Ukrayna Müdafiə Nazirliyi və Silahlı Qüvvələrinin internet resursları, habelə Privatbank və Oşadbank kiber hücuma məruz qalıb.

Teleqraf.com xəbər verir ki, Müdafiə Nazirliyinin verdiyi açıqlamada nazirliyin internet saytının fəaliyyət göstərmədiyini təsdiqləyib, saytın yenidən aktivləşdirilməsi istiqamətində işlərin davam etdirildiyi bildirilib.

Kiber hücumun hədəfi olan Privatbank və Oşadbankın internet bankçılıq xidmətlərində problemlər olduğu bildirilib.

Ukrayna Strateji Kommunikasiyalar və İnformasiya Təhlükəsizliyi Mərkəzinin açıqlamasında Privatbankın əmanətçilərinin vəsaitləri üçün heç bir təhlükə olmadığı qeyd edilib.

Bəyanatda hücumun arxasında Rusiyanın dayandığı qeyd olunmasa da, onların vasitəsilə olduğu iddia edilib.