Kiyevə doğru irəliləyən tanklar İvankovda dayandırıldı

İstisna zonasından Kiyevə doğru irəliləyən rus qoşunları İvankov şəhəri yaxınlığında Ukrayna Silahlı Qüvvələri tərəfindən dayandırılıb.

Teleqraf.com xəbər verir ki, bu barədə Ukrayna mediası Birləşmiş ordu komandanlığındakı mənbələrinə istinadən məlumat yayıb.

“Rusiya tankları Kiyevə doğru irəliləyir, lakin İvankov yaxınlığında döyüş başlayıb. Ukrayna qüvvələri rus karvanını dayandırmaq üçün körpünü partladıb”, - məlumatda bildirilir.

Qeyd olunur ki, İvankov sərhəddən Kiyevə qədər yolun yarısında yerləşir. Ondan sonra Vışqorod vasitəsilə paytaxta hücum etmək imkanı var.