Ukrayna tərəfi: Putin Uraldakı bunkerində gizlənir

Ukrayna Daxili İşlər Nazirliyinin rəsmisi iddia edir ki, Rusiya Pezidenti Vladimir Putin Uraldakı bunkerdədir.

Teleqraf.com xəbər verir ki, bunu “Rada” telekanalının efirində Ukrayna daxili işlər nazirinin müşaviri Vadim Denisenko deyib.

O əlavə edib ki, bu iddianı bir çox rusiyalı analitiklər və jurnalistlər də təsdiqləyir.

“Ardıcıl 5-ci gündür ki, Putin Uraldakı bunkerindədir. Onun bunkerdə olması faktı 100% təşkil edir. Müəyyən məlumatlara görə, o, hazırda Uraldadır. Bunu çoxları, rusiyalı həmkarlarımız - analitiklər, jurnalistlər və başqaları təsdiqləyir”, - müşavir qeyd edib.

Onun iddiasıana görə, Putin ətrafının və elitasının reaksiyasından narahat olduğundan belə yolu seçib: “Son 2 ildə o, ölümcül koronavirus virusuna yoluxmaqdan qorxduğu üçün bunkerdə olub. İndi onun yeni paranoyası var”.