Rus ordusunun son beş günlük itkiləri - Baş Qərargah açıqladı

Son beş gündə Rusiya qoşunlarının Ukraynadakı itkiləri 5710 hərbçi, 200 əsir, 29 təyyarə və 29 helikopter, 7 hava hücumundan müdafiə sistemi, 24 “Qrad” və yüzlərlə hərbi texnika təşkil edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Həmçinin fevralın 24-dən bəri rus ordusunun 198 tank, 846 PDM, 77 artilleriya sistemi və 305 nəqliyyat vasitəsinin məhv edildiyi deyilib.

Bundan əlavə, rusların itkiləri arasında 60 yanacaq çəni, 3 əməliyyat-taktiki dronu və 2 döyüş kateri var.

Eyni zamanda, Baş Qərargah qeyd edib ki, məlumatlar dəqiqləşdirilir, hesablama hərbi əməliyyatların yüksək intensivliyi ilə çətinləşib.