Zelenskidən Putinə: “Sən çar, kral, fürer deyilsən...”

“Rusiya belə davam etsə, bu, bizim üçün dünyanın sonu gəlib deməkdir. Onlarla mədəniyyət arasındakı sərhəd bizik”.

Teleqraf.com xəbər verir ki, bunu Ukrayna Prezidenti Volodimir Zelenski mətbuata açıqlamasında deyib.

O qeyd edib ki, sıravi rusiyalılara bir şey demir:

“Rəhbərlərinə etiraz edə bilmirlər. İnsanlar mənə etiraz edirlər. Bir şeydən məmnun olmayanda qapıma gəlib aksiya keçirirlər. Bu, çox normaldır. Çünki onlar məni seçdi. Mən onlar üçün əlçatan olmalıyam.

Sən çar deyilsən, sən kral deyilsən, insanlar səni seçib. Sən ölkəni təmsil edirsən. Sən bir tiran deyilsən, fürer deyilsən. Sən idarəçisən, idarə etmək üçün oradasan”.