Rusiya İvan-Frankovski şəhər hava limanına zərbələr endirdi

Ukraynanın İvano-Frankivsk şəhərində güclü partlayışlar baş verib.

Teleqraf.com xəbər verir ki, şəhərin hava limanına hərbi zərbələr endirilib.

İvano-Frankovski şəhərinin meri Ruslan Marcinkiv bildirib ki, şəhərdə partlayışlar baş verib.

“Düşmən Frankovski vurub. Zəhmət olmasa, partlayışların foto və videolarını yaymayın! Siqnal sisteminin niyə işləmədiyini anlayırıq”, - mer bildirib.

O, videomüraciətində xüsusilə qeyd edib ki, zərbə hava limanına vurulub.

Mer həmçinin hava limanının yaxınlığında yaşayan insanları sığınacağa düşməyə və pəncərələrə yaxınlaşmamağa çağırıb.