Rus ordusu daha bir döyüş təyyarəsini itirdi – Ukraynada son durum

Ukrayna ordusu Çerniqovda rus ordusunun daha bir “Su-34” bombardmançı təyyarəsini vurub.

Teleqraf.com xəbər verir ki, bu barədə Ukraynanın Severski Briqadası məlumat yayıb.

“Hava Hücumundan Müdafiə Qoşunları düşmən təyyarəsini zərərsizləşdirib. İşğalçı ordunun daha bir “Su-34”-ü artıq dinc əhaliyə zərər verə bilməyəcək. Müdafiəçilərinizə inanın”, - açıqlamada qeyd edilib.

Ukrayna qüvvələri dünən də Çerniqovda rusların bir ədəd “Su-34” qırıcısını vurmuşdu. Beləliklə, rus ordusunun Ukraynada itirdiyi döyüş təyyarələrinin sayı 59-a çatıb.

“Su-34” Rusiya silahlı qüvvələrinin ən güclü döyüş təyyarələrindən biri hesab olunur.