“Belarus ordusu Ukraynaya girməyəcək” – Baş qərargah rəisi

Belarus qoşunlarının ölkə daxilindəki hərəkətliliyi Ukraynada xüsusi əməliyyata hazırlanması və ya iştirakı ilə bağlı deyil.

Teleqraf.com xəbər verir ki, bu barədə Belarus Silahlı Qüvvələrin Baş Qərargah rəisi Viktor Quleviç açıqlama verib.

“Doğma hərbi ekspertlər” və “divan analitikləri” üçün demək istəyirəm ki, qoşunların hərəkəti heç bir şəkildə hazırlıqla, hətta daha çox Belarus hərbçilərinin Ukrayna ərazisində xüsusi hərbi əməliyyatda iştirakı ilə əlaqəli deyil”, - Quleviç deyib.

Onun sözlərinə görə, Silahlı Qüvvələr Belarusun hərbi təhlükəsizliyinin təmin edilməsi vəzifələrini yalnız öz ərazisində yerinə yetirir.