“Rusiya terrorçuya çevrilib və o utanmır” - Ukrayna prezidenti

“Rusiya günahsız insanları girov götürən terrorçuya çevrilib və o, buna görə utanmır”.

Teleqraf.com xəbər verir ki, bunu Ukrayna Prezidenti Vladimir Zelenski deyib.

“Dünən gecə işğalçılar Buça Şəhər Şurasında 6 nəfəri girov götürüblər. Razılaşdırılmış humanitar dəhlizdə əsir götürülən ukraynalı xilasedici də əsir saxlanılır. Bir neçə şəhərimizin bələdiyyə sədri, fəallar, jurnalist girov saxlanılır. Rusiya dövləti açıq-aşkar terrorçuya çevrilib. Və o, utanmır”, - Zelenski qeyd edib.

Bununla belə, onun sözlərinə görə, Rusiya əməllərinə görə məsuliyyət daşıyacaq:

“Dünya artıq başa düşməyə başlayıb ki, Rusiya terrorçu dövlət kimi tanınmasa, Ukrayna üçün ədaləti bərpa etmək mümkün olmayacaq. Beynəlxalq asayişi bərpa etmək mümkün olmayacaq”.