Rusiya Ermənistan və bu 4 ölkəni razı salmağa çalışır – Kiyevdən şok açıqlama

Rusiya dinc şəhərləri vurmaq üçün dağıdıcı artilleriya, “Kinjal” və “Bastion” sistemlərindən istifadə edir və KTMT ölkələrindən kömək istəyir.

Teleqraf.com xəbər verir ki, bu barədə Ukrayna prezident aparatının rəhbərinin müşaviri Mixail Podolyak məlumat verib.

“Müharibənin 25-ci günü. Rusiya hücumlarındakı uğursuzluqlar səbəbindən daha dağıdıcı artilleriyaya keçib: dinc şəhərləri vurmaq üçün “Kinjal” və “Bastion” sistemlərindən istifadə olunur. Rusiya həm də canlı qüvvə ehtiyatları ilə bağlı panikaya düşüb, KTMT ölkələrini razı salmağa çalışır”, - Podolyak bildirib.

KTMT-yə Rusiya, Ermənistan, Qazaxıstan, Qırğızıstan, Tacikistan və Belarus daxildir.